جالڻ جهانگين ساڻ

جالڻ جهانگين ساڻ (ڪتاب): شاعريءَ جو هي مجموعو خادم حسين ابڙي جي تخليق آهي. هن ڪتاب جي صفحي 11 کان 84 تائين شاعر پـنـهنـجي مختصر آتـم ڪـٿا پيش ڪئي آهي. ڪتاب جو مهاڳ ڊاڪٽر محمد علي مانجهيءَ لکيو آهي ۽ مصنف پنهنجي ڪتاب جي ارپنا ايم. آر. ڊي تحريڪ دوران ڳوٺ پنهل چانڊئي ۾ شهيد ٿيل بهادر سنڌين جي نالي ڪئي آهي. هن مجموعي ۾ غزل ۽ بيت شامل آهن. ڪتاب جي آخري ڪجهه صفحن تي سنڌ سان لاڳاپيل اهم ڏهاڙن/ڏڻن جو تاريخ وار تفصيل به ڏنو ويو آهي. رنگين ٽائيٽل، پڪي جلد ۾ ڇپيل هي ڪتاب 404 صفحن تي مشتمل آهي، جيڪو پارس پرنٽنگ ايجنسي حيدرآباد، ڊسمبر 2010ع ۾ ڇپايو آهي. ڪتاب جي قيمت 200 روپيا آهي.

ڪتاب - ڀاڱي جون ٻِيون داخلائون